మరణించిన పోలీసుల కుటుంబాలకు కారుణ్య నియామకాలు: ఎస్పీ చేతుల మీదుగా నియ…

ఈ సందర్భంగా జిల్లా ఎస్పీ షెల్కే నచికేత్ విశ్వనాథ్ ఐపిఎస్ మాట్లాడుతూ పోలీస్ శాఖలో విధులు నిర్వహించే సిబ్బంది ప్రజల భద్రత కోసం నిరంతరం పనిచేస్తుంటారని, అటువంటి సిబ్బంది అకాల మరణం కుటుంబాన్ని తీవ్ర సంక్షోభంలోకి నెట్టేస్తుందన్నారు. మరణించిన పోలీస్ సిబ్బంది కుటుంబాలు ఎదుర్కొనే ఆర్థిక, సామాజిక సమస్యలను, సంక్షేమాన్ని దృష్టిలో ఉంచుకుని వారి కుటుంబంలోని అర్హత కలిగిన వ్యక్తులలో ఒకరికి ప్రభుత్వం కారుణ్య నియామకం కింద ఉద్యోగం కల్పిస్తూ ఉద్యోగ నియామక ఉత్తర్వులను అందచేయడం జరిగిందన్నారు.

ఇటీవల కాలంలో అనారోగ్య సమస్యలతో మరణించిన చెందిన 1) డి.మల్లిఖార్జున , ఏఆర్.ఎస్ఐ కుమార్తె డి.మల్లిక కి, వేరు వేరు రోడ్డు ప్రమాదాలలో మరణించిన 2) ఎస్.సతీష్ కుమార్ రాజు, సివిల్ కానిస్టేబుల్ సతీమణి అఖిలభారతి కి 3) బి.ముకుందర, సివిల్ కానిస్టేబుల్ సతీమణి పి.భారతికి జిల్లా పోలీస్ కార్యాలయంలో జూనియర్ ఆఫీస్ అసిస్టెంట్ లు గా నూతనంగా ఉద్యోగం మంజూరు చేయగా, జిల్లా ఎస్పీ నియామక ఉత్తర్వులు అందజేసి వారిని అభినందించారు.

విధుల్లో తక్షణమే జాయిన్ అవ్వాలని, విధుల గురించి తెలుసుకోవాలని, తమకు లభించిన ఈ అవకాశాన్ని సద్వినియోగం చేసుకొని జీవితంలో ముందుకు సాగాలని జిల్లా ఎస్పీ షెల్కే నచికేత్ విశ్వనాథ్ ఐపిఎస్ సూచించారు. కుటుంబ యోగక్షేమాలు అడిగి తెలుసుకొన్నారు. ఎలాంటి సమస్య వచ్చినా తమను సంప్రదించాలని సూచించారు.

ఈ కార్యక్రమంలో డిపిఓ ఏఓ జి.సుజాత, సూపరింటెండెంట్ శ్రీనివాస నాయక్ పాల్గొన్నారు.