పుత్తూరు డీఎస్పీ కార్యాలయం ప్రారంభం: రాష్ట్ర డీజీపీ హరీష్ కుమార్ గుప్…

ఈ కార్యక్రమంలో అదనపు డీజీపీ (లా అండ్ ఆర్డర్) మధుసూదన్ రెడ్డి, ఐపీఎస్. , తిరుపతి జిల్లా ఎస్పీ ఎల్. సుబ్బరాయుడు, ఐపీఎస్. , పుత్తూరు ఎమ్మెల్యే భాను ప్రకాష్ , సత్యవేడు ఎమ్మెల్యే ఆదిమూలం , జిల్లా పోలీసు అధికారులు, ప్రజాప్రతినిధులు పాల్గొన్నారు.

నూతన కార్యాలయ భవనాన్ని పరిశీలించిన రాష్ట్ర డీజీపీ, ఆధునిక సౌకర్యాలతో కూడిన ఈ కార్యాలయం ద్వారా పుత్తూరు సబ్ డివిజన్ పరిధిలోని ప్రజలకు మరింత వేగవంతమైన, పారదర్శకమైన పోలీసు సేవలు అందేలా చర్యలు చేపట్టాలని సూచించారు.

అనంతరం పుత్తూరు సబ్ డివిజన్ పోలీసు అధికారులతో రాష్ట్ర డీజీపీ సమీక్ష సమావేశం నిర్వహించారు. శాంతిభద్రతల పరిరక్షణ, నేరాల నియంత్రణ, మహిళలు, చిన్నారుల భద్రత, ప్రజలకు అందించే పోలీసు సేవల నాణ్యత, సాంకేతిక పరిజ్ఞానం వినియోగం తదితర అంశాలపై సమగ్రంగా సమీక్షించి అధికారులకు పలు సూచనలు, ఆదేశాలు జారీ చేశారు.

ప్రజలకు పోలీసు శాఖపై మరింత విశ్వాసం పెరిగేలా బాధ్యతాయుతంగా విధులు నిర్వర్తించాలని, ప్రతి ఫిర్యాదుపై సత్వర స్పందనతో చట్టబద్ధమైన చర్యలు తీసుకోవాలని రాష్ట్ర డీజీపీ గారు పోలీసు అధికారులకు సూచించారు. తిరుపతి జిల్లా పోలీసు శాఖ ప్రజల భద్రత, శాంతిభద్రతల పరిరక్షణకు అత్యంత ప్రాధాన్యతనిస్తూ సమర్థవంతంగా పనిచేస్తుందని ఈ సందర్భంగా పేర్కొన్నారు.