కామారెడ్డిలో గణేష్ ఉత్సవాలు: పోలీసుల మార్గదర్శకాలు విడుదల

విగ్రహాలను తరలించే సమయంలో విద్యుత్ తీగల విషయంలో ప్రత్యేక జాగ్రత్తలు తీసుకోవాలని, ప్రతి మండపం వద్ద నిర్వాహకులు 24 గంటలపాటు విధుల్లో ఉండేలా చర్యలు చేపట్టాలని, తనిఖీ అధికారుల కోసం తనిఖీ నోట్బుక్ను అందుబాటులో ఉంచాలని సూచించారు.

మండపాల వద్ద మద్యం సేవించడం, పేకాట ఆడటం, అసభ్య నృత్యాలు చేయడం, ఇతర మతాలను కించపరిచే ప్రసంగాలు చేయడం, సోషల్ మీడియాలో వివాదాస్పద పోస్టులు పెట్టడం పూర్తిగా నిషేధమని పేర్కొన్నారు. అనుమానాస్పద వస్తువులు లేదా వ్యక్తులు కనిపిస్తే వెంటనే డయల్ 112 లేదా స్థానిక పోలీసులకు సమాచారం అందించాలని సూచించారు.

లౌడ్స్పీకర్ల వినియోగానికి సంబంధిత ఎస్డీపీఓ నుంచి ముందస్తు అనుమతి తప్పనిసరిగా తీసుకోవాలని, సుప్రీంకోర్టు ఆదేశాల మేరకు రాత్రి 10 గంటల వరకు మాత్రమే స్పీకర్లను వినియోగించాలని సూచించారు. డీజేలు, శోభాయాత్రల్లో టపాకాయలు, బాణాసంచా వినియోగించరాదని స్పష్టం చేశారు.

గణేష్ విగ్రహాలను నిర్ణీత సమయంలో నిమజ్జనం చేసి పోలీసు, ఇతర శాఖల అధికారులకు సహకరించాలని, రౌడీలు, సమస్యకారులు, సామాజిక అల్లర్లకు పాల్పడే వ్యక్తుల సమాచారం వెంటనే పోలీసులకు అందించాలని కోరారు. ప్రజల సహకారంతో గణేష్ ఉత్సవాలను ప్రశాంతంగా, సామరస్య వాతావరణంలో విజయవంతం చేయాలని జిల్లా పోలీసులు విజ్ఞప్తి చేశారు.