ఆఫ్రికా దేశమైన డెమొక్రాటిక్ రిపబ్లిక్ ఆఫ్ కాంగోలో ఎబోలా వైరస్ వ్యాప్తి ఆందోళనకరంగా మారింది. ఇప్పటికే ఏడు ప్రావిన్స్లకు పరిమితమైన ఈ వ్యాధి తాజాగా ఎనిమిదో ప్రావిన్స్ అయిన నార్త్ ఉబాంగికి విస్తరించింది. ఈ ప్రాంతంలో రెండు కేసులు నమోదవగా, ఒకరు మరణించినట్లు కాంగో జాతీయ జీవవైద్య పరిశోధనా సంస్థ వెల్లడించింది.
నార్త్ ఉబాంగి ప్రావిన్స్ సెంట్రల్ ఆఫ్రికన్ రిపబ్లిక్ దేశ సరిహద్దుకు సమీపంలో ఉండటంతో వైరస్ మరింత వ్యాపించే ప్రమాదంపై అధికారులు అప్రమత్తమయ్యారు. తాజాగా ముగిసిన 24 గంటల్లోనే 67 కొత్త కేసులు, 26 మరణాలు నమోదయ్యాయి. కాంగోలో ఈ వైరస్ కారణంగా మొత్తం 9,415 కేసులు నమోదయ్యాయి. వీరిలో 4,536 మంది మరణించినట్లు తాజా గణాంకాలు వెల్లడించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తూర్పు కాంగోలోని ఇటూరి ప్రావిన్స్ వ్యాప్తికి ప్రధాన కేంద్రంగా కొనసాగుతోంది. ఆ ఒక్క ప్రాంతంలోనే తాజాగా నమోదైన 67 కేసుల్లో 44 కేసులు వెలుగుచూశాయి. కాంగోలో మొదలైన ఎబోలా వ్యాప్తి సరిహద్దులు దాటి ఇతర దేశాలకూ చేరింది. ఉగాండాలో కేసులు నమోదైనప్పటికీ, ఆ దేశం ఆగస్టులో ఎబోలా రహితంగా ప్రకటించుకుంది. కెన్యాలో అక్టోబర్లో కేసులు నమోదవుతున్నాయి. తాజా గణాంకాల ప్రకారం కెన్యాలో ఎనిమిదో కేసును గుర్తించినట్లు అక్కడి ఆరోగ్య అధికారులు తెలిపారు.
