ఆంధ్రప్రదేశ్లో మురసు తుపాను ప్రభావంతో ఉభయ జిల్లాల్లో భారీ వర్షాలు కురిశాయి. ముఖ్యంగా రాజమహేంద్రవరం నగరంలో ఎడతెరిపి లేకుండా కురిసిన వర్షాలకు జనజీవనం అస్తవ్యస్తమైంది. నగరంలోని పలు రహదారులు, లోతట్టు ప్రాంతాలు జలమయమయ్యాయి.
రాజమహేంద్రవరం నగరంలోని కాలనీల్లోకి వర్షపు నీరు చేరడంతో ప్రజలు తీవ్ర ఇబ్బందులు ఎదుర్కొన్నారు. రాజమహేంద్రవరంతో పాటు కొవ్వూరు ప్రాంతాల్లోనూ భారీ వర్షాల ప్రభావం కనిపించింది. కొవ్వూరులోని పలు కాలనీలు, వ్యవసాయ పొలాలు నీట మునిగాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రహదారులపై భారీగా నీరు నిలిచిపోవడంతో వాహనాల రాకపోకలకు అంతరాయం ఏర్పడింది. కొన్ని ప్రాంతాల్లో సాధారణ కార్యకలాపాలు నిలిచిపోయాయి. భారీ వర్షాల నేపథ్యంలో రాజమహేంద్రవరంలో పాఠశాలలకు సెలవు ప్రకటించారు. విద్యార్థుల భద్రతను దృష్టిలో ఉంచుకుని ఈ నిర్ణయం తీసుకున్నారు.
