శ్రీకాళహస్తిలో కారు బీభత్సం: దుకాణాలు, బైకులు ధ్వంసం

శ్రీకాళహస్తి పట్టణంలో బుధవారం ఒక కారు అదుపుతప్పి పలు దుకాణాలు, వాహనాలపైకి దూసుకుపోవడంతో గణనీయమైన నష్టం జరిగింది. అదృష్టవశాత్తు ఈ ప్రమాదంలో ఎవరికీ తీవ్ర గాయాలు కాలేదు.

శ్రీకాళహస్తిలోని ZP బాలికల ఉన్నత పాఠశాల సమీపంలో ఈ సంఘటన చోటుచేసుకుంది. వేగంగా వస్తున్న కారు అదుపుతప్పి రోడ్డు పక్కన ఉన్న చికెన్, కొబ్బరి బోండాల దుకాణాలు, కర్రీ పాయింట్, మెకానిక్ షెడ్ పైకి దూసుకుపోయింది. ఈ ఘటనలో రెండు తోపుడు బండ్లు, నాలుగు బైకులు ధ్వంసమయ్యాయి.

ప్రమాదానికి కారణం కారు డ్రైవర్ అకస్మాత్తుగా అడ్డు వచ్చిన కుక్కను తప్పించబోవడమే అని బాధితులు తెలిపారు. కారును KVBపురం(M) సర్వేయర్ చంద్రశేఖర్ నడుపుతున్నట్లు సమాచారం. ఆయన కుమార్తె నిశ్చితార్థం అనంతరం ఇంటికి వెళుతుండగా ఈ ప్రమాదం జరిగింది.