జుక్కల్ వద్ద ఆర్టీసీ బస్సు బోల్తా: డ్రైవర్ మృతి, 13 మంది ప్రయాణికులకు గాయాలు

అధికారులతో మంత్రి సమీక్ష

ప్రమాద సమాచారం అందుకున్న మంత్రి ఆర్టీసీ ఎండీ, జిల్లా కలెక్టర్, ఎస్పీలతో ఫోన్లో మాట్లాడి ఘటనకు గల కారణాలు, ప్రస్తుత పరిస్థితిపై వివరాలు తెలుసుకున్నారు. బస్సులో ఉన్న 13 మంది ప్రయాణికులు సురక్షితంగా బయటపడినప్పటికీ, కొందరికి స్వల్ప గాయాలయ్యాయని అధికారులు తెలిపారు. క్షతగాత్రులను అంబులెన్స్ల ద్వారా సమీప ఆసుపత్రికి తరలించి చికిత్స అందిస్తున్నారు.

తక్షణ వైద్య సహాయం, విచారణకు ఆదేశం

గాయపడిన వారికి నాణ్యమైన వైద్యం అందించాలని, అవసరమైన అన్ని వైద్య సహాయ చర్యలను వెంటనే చేపట్టాలని మంత్రి అధికారులను ఆదేశించారు. అలాగే ఆర్ఎం నేతృత్వంలో అధికారులు సంఘటన స్థలానికి చేరుకుని సహాయక చర్యలను పర్యవేక్షించాలని, బాధితులకు అన్ని విధాలుగా అండగా నిలవాలని సూచించారు. ప్రమాదానికి దారితీసిన పరిస్థితులపై సమగ్ర విచారణ జరిపి, బాధితులకు అవసరమైన సహాయాన్ని అందించేలా సమన్వయంతో పనిచేయాలని మంత్రి పొన్నం ప్రభాకర్ ఆదేశించారు.