గ్రామ పాలన అధికారిపై దాడిని ఖండించిన జిపిఓలు, రక్షణ కల్పించాలని విజ్ఞప్తి

దాడిని ఖండించిన సంఘం నాయకులు

ఈ సందర్భంగా కామారెడ్డి జిల్లా జిపిఓల సంఘ అధ్యక్షుడు వెంకటేష్, కామారెడ్డి డివిజన్ అధ్యక్షులు బోరంచ నరేష్లు మాట్లాడుతూ, రామారెడ్డి మండలంలో గ్రామ పాలన అధికారిపై జరిగిన దాడిని తీవ్రంగా ఖండిస్తున్నామని తెలిపారు. జిపిఓలు ప్రభుత్వ ఆస్తులను కాపాడడంతో పాటు అధికారులు చెప్పిన పనులు చేస్తుంటే, కొందరు అక్రమార్కులు విధులకు ఆటంకం కలిగిస్తూ దాడులు చేయడం సిగ్గుచేటు అని అన్నారు.

రక్షణ కల్పించాలని విజ్ఞప్తి

క్షేత్ర స్థాయిలో పనిచేసే జిపిఓలకు రక్షణ కల్పించేలా చర్యలు తీసుకోవాలని అధికారులను, ప్రభుత్వాన్ని కోరుతున్నామని వారు తెలిపారు. ఈ కార్యక్రమంలో రాష్ట్ర అసోసియేట్ అధ్యక్షుడు మూదం చిరంజీవి, జిల్లా ప్రధాన కార్యదర్శి తిరుపతి, జిల్లా వర్కింగ్ ప్రెసిడెంట్ ముజీబ్, జిల్లా సభ్యులు రవికుమార్, ప్రవీణ్, జనరల్ సెక్రెటరీ లక్ష్మీనారాయణ, బాబు, సంయుక్త కార్యదర్శి సత్యనారాయణ, అనిల్, బాన్సువాడ డివిజన్ అధ్యక్షులు సాయిలు, ఉపాధ్యక్షులు సత్యం మరియు మండల నాయకులు పాల్గొన్నారు.