కమలాపురం బాధితులకు రూ.90 లక్షల సీఎం సహాయనిధి చెక్కులు పంపిణీ

ఈ సందర్భంగా ఎమ్మెల్యే మాట్లాడుతూ, వైద్య చికిత్సల కోసం ఖర్చు చేసిన పేద, మధ్యతరగతి కుటుంబాలకు సీఎం సహాయనిధి ద్వారా ప్రభుత్వం ఆర్థిక భరోసా కల్పిస్తోందని తెలిపారు. వైద్య ఖర్చులతో ఎవరూ ఇబ్బంది పడకూడదనే ఉద్దేశంతో ముఖ్యమంత్రి చంద్రబాబు నాయుడు సీఎం రిలీఫ్ ఫండ్ ద్వారా ఆర్థిక సహాయం అందిస్తున్నారని అన్నారు.

అనారోగ్యంతో బాధపడి ప్రైవేటు ఆసుపత్రుల్లో చికిత్స పొందిన వారికి ఈ చెక్కులు ఎంతో ఉపయోగపడతాయని, ప్రభుత్వం అందిస్తున్న ఆర్థిక సహాయాన్ని లబ్ధిదారులు సద్వినియోగం చేసుకోవాలని సూచించారు.

ప్రజల సంక్షేమమే ప్రభుత్వ ప్రధాన లక్ష్యమని, అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని ఎమ్మెల్యే తెలిపారు. కూటమి ప్రభుత్వం అధికారంలోకి వచ్చిన తర్వాత సంక్షేమ పథకాల అమలులో వేగం పెరిగిందని, సీఎం సహాయనిధి చెక్కులు కూడా త్వరితగతిన మంజూరు అవుతున్నాయని ఆయన అన్నారు.

అనారోగ్య సమస్యలతో బాధపడే వారు ఎవరైనా సీఎం సహాయనిధికి దరఖాస్తు చేసుకోవచ్చని, వారికి అండగా ఉంటామని భరోసా ఇచ్చారు.

ఈ కార్యక్రమంలో పలువురు టీడీపీ నాయకులు, కార్యకర్తలు, లబ్ధిదారులు, తదితరులు పాల్గొన్నారు.