అమెరికా మధ్యంతర ఎన్నికల్లో రిపబ్లికన్ పార్టీకి ఎదురైన ఎదురుదెబ్బలపై అధ్యక్షుడు డొనాల్డ్ ట్రంప్ స్పందించారు. డెమొక్రాట్లు మెరుగైన ప్రదర్శన చేశారని అంగీకరిస్తూనే, తాను కూడా అభ్యర్థిగా బరిలో ఉంటే రిపబ్లికన్లు భారీ విజయం సాధించేవారని వ్యాఖ్యానించారు. ఎన్నికల ఫలితాలను అంగీకరిస్తానని, డెమొక్రాట్లతో కలిసి పనిచేసేందుకు సిద్ధంగా ఉన్నానని కూడా తెలిపారు.
నేను పోటీ చేసి ఉంటే భారీ విజయం సాధించేవాళ్లం
మరోవైపు, తన సోషల్ మీడియా వేదిక ట్రూత్ సోషల్లో ట్రంప్ ఎన్నికల ఫలితాలపై స్పందించారు. తాను ఈ ఎన్నికల్లో పోటీ చేయలేదని, ఒకవేళ తన పేరు బ్యాలెట్పై ఉండి ఉంటే రిపబ్లికన్లు భారీ మెజారిటీతో గెలిచేవారని పేర్కొన్నారు. ఈ వ్యాఖ్యలతో పార్టీకి ఎదురైన ఎన్నికల నష్టాన్ని తన వ్యక్తిగత ప్రజాదరణతో వేరు చేసి చూపించే ప్రయత్నం చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఓటమికి ఇరాన్ యుద్ధం, ఇంధన ధరలే కారణమా
ఎన్నికల ఫలితాలపై స్పందిస్తూ ఇరాన్తో యుద్ధం, దాని ప్రభావంతో పెరిగిన ఇంధన ధరలు రిపబ్లికన్ పార్టీ పనితీరుపై ప్రభావం చూపి ఉండవచ్చని ట్రంప్ అంగీకరించినట్లు ఎకనామిక్ టైమ్స్ కథనం పేర్కొంది. ఓటర్లు తన ఇరాన్ విధానానికి మద్దతు ఇచ్చినా, పెరిగిన పెట్రోల్ ధరల భారాన్ని భరించేందుకు సిద్ధంగా లేరని ఆయన అభిప్రాయపడినట్లు తెలిపింది.
