ఇజ్రాయెల్లో ప్రభుత్వ ఏర్పాటుపై ఉత్కంఠ నెలకొంది. ఇటీవల జరిగిన ఎన్నికల్లో ఏ కూటమికీ స్పష్టమైన మెజారిటీ రాకపోవడంతో, ప్రధానమంత్రి బెంజమిన్ నెతన్యాహు రాజీనామా చేయాలని, యూదులు, అరబ్బులు కలిసి కొత్త ప్రభుత్వాన్ని ఏర్పాటు చేయాలని కోరుతూ నిరసనకారులు రోడ్లపైకి వచ్చారు. టెల్ అవీవ్లో వందలాది మంది ఆందోళన చేపట్టారు.
నెతన్యాహు నివాసం ఎదుట కూడా నిరసనలు చేపట్టి, గాజాలో యుద్ధాన్ని ముగించాలని డిమాండ్ చేశారు. కొందరు రహదారులపై బైఠాయించి నినాదాలు చేయగా, మరికొందరు నెతన్యాహు ఎన్నికల ప్రచార పోస్టర్లను తొక్కి తమ నిరసన వ్యక్తం చేశారు. ఆందోళనకారులను చెదరగొట్టేందుకు పోలీసులు జోక్యం చేసుకున్నారు. ఈ క్రమంలో కొందరు నిరసనకారులను పోలీసులు పక్కకు లాగినట్లు వార్తా కథనాలు వెల్లడించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
యూదులు, అరబ్బుల భాగస్వామ్యంతో ప్రభుత్వం
నెతన్యాహును అధికారానికి దూరం చేయాలంటే ప్రతిపక్ష పార్టీలు అరబ్ పార్టీలతో కలిసి పనిచేయాలని నిరసనకారులు కోరుతున్నారు. భాగస్వామ్యం లేకుండా మార్పు సాధ్యం కాదు అనే నినాదాలతో గడి ఐసెన్కోట్ నివాసం ఎదుట కూడా ఆందోళన చేపట్టారు. అరబ్ పార్టీలతో కలిసి ప్రభుత్వం ఏర్పాటు చేయాలని ఆయనకు విజ్ఞప్తి చేశారు. ఈ నిరసనలో టెల్ అవీవ్-జాఫా డిప్యూటీ మేయర్ అమీర్ బద్రాన్ కూడా పాల్గొని యూదు-అరబ్ రాజకీయ భాగస్వామ్యానికి మద్దతు తెలిపారు.
