ఉత్తరాఖండ్లో ఇటీవల జరిగిన హెలికాప్టర్ ప్రమాదం నేపథ్యంలో, దేశవ్యాప్తంగా హెలికాప్టర్ కార్యకలాపాల భద్రతను సమగ్రంగా సమీక్షించాలని ఫెడరేషన్ ఆఫ్ ఇండియన్ పైలట్స్ () ప్రధానమంత్రి నరేంద్ర మోదీని కోరింది. హెలికాప్టర్ ప్రయాణాలకు ప్రత్యేకంగా జాతీయ స్థాయి భద్రతా విధానాన్ని రూపొందించాలని విజ్ఞప్తి చేసింది.
ఫెడరేషన్ ఆఫ్ ఇండియన్ పైలట్స్ అధ్యక్షుడు కెప్టెన్ సి.ఎస్. రంధావా సంతకంతో ప్రధానమంత్రికి లేఖ పంపారు. దేశవ్యాప్తంగా హెలికాప్టర్ కార్యకలాపాలపై తక్షణమే సమగ్ర సమీక్ష చేపట్టాలని, పౌర విమానయాన డైరెక్టరేట్ జనరల్ () పర్యవేక్షణను మరింత బలోపేతం చేయాలని కోరారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రత్యేక కమిటీ ఏర్పాటు చేయాలి
హెలికాప్టర్ భద్రతపై ప్రత్యేక జాతీయ సమీక్ష కమిటీని ఏర్పాటు చేయాలని సూచించింది. ఇందులో , విమాన ప్రమాదాల దర్యాప్తు సంస్థ (), పైలట్ల సమాఖ్య ప్రతినిధులు, హెలికాప్టర్ ఆపరేటర్లు, సాంకేతిక నిపుణులకు చోటు కల్పించాలని కోరింది. ఈ కమిటీ 90 రోజుల్లోగా నిర్దిష్ట గడువుతో కూడిన కార్యాచరణ ప్రణాళికను సమర్పించాలని విజ్ఞప్తి చేసింది.
