భారతీయ చట్టాల ప్రకారం మొదటి వివాహం రద్దు కాకుండానే విదేశాల్లో రెండో వివాహం చేసుకున్న వ్యక్తిపై బిగామీ కేసు కొనసాగించాలని సుప్రీంకోర్టు కీలక తీర్పు వెలువరించింది. హిందూ వివాహ చట్టం గుర్తించని కారణాలతో విదేశీ కోర్టులు ఇచ్చిన విడాకులు భారత్లో చెల్లవని స్పష్టం చేసింది.
విదేశీ కోర్టు ఇచ్చిన విడాకుల తీర్పు భారతీయ చట్టాల ప్రకారం గుర్తింపు పొందకపోతే, దాని ఆధారంగా రెండో వివాహం చేసుకున్న వ్యక్తి బిగామీ కేసు నుంచి తప్పించుకోలేరని సుప్రీంకోర్టు స్పష్టం చేసింది. ముఖ్యంగా, హిందూ వివాహ చట్టం గుర్తించని వివాహ బంధం కోలుకోలేని విధంగా విచ్ఛిన్నమైంది ( ) అనే కారణంతో విదేశీ కోర్టు ఇచ్చిన విడాకుల తీర్పు భారత్లో అమలులోకి రాదని పేర్కొంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
జస్టిస్ ప్రశాంత్ కుమార్ మిశ్రా, జస్టిస్ శ్రీ చంద్రశేఖర్లతో కూడిన ధర్మాసనం ఈ తీర్పును వెలువరించింది. ఆంధ్రప్రదేశ్కు చెందిన ఓ వైద్యుడు తన మొదటి భార్యతో భారత్లో వివాహం చేసుకున్నాడు. అనంతరం ఉద్యోగరీత్యా యూకేకు వెళ్లిన ఆయన, అక్కడ బ్రిటిష్ పౌరసత్వం పొందిన తర్వాత 2014లో కేంబ్రిడ్జ్ కౌంటీ కోర్టు నుంచి విడాకులు పొందాడు. ఆ తర్వాత యూకేలోనే మరో వివాహం చేసుకున్నాడు.
