తిరుపతిలో డ్రంక్ అండ్ డ్రైవ్ కేసు: బస్సు డ్రైవర్కు 10 రోజుల జైలు, 10,000 జరిమానా

తిరుపతి జిల్లా ఎస్పీ ఎల్. సుబ్బరాయుడు ఐపీఎస్ ఆదేశాల మేరకు, తిరుపతి ట్రాఫిక్ డివిజన్ డీఎస్పీ పర్యవేక్షణలో ట్రాఫిక్ పోలీసులు డ్రంక్ అండ్ డ్రైవింగ్పై ప్రత్యేక తనిఖీలు నిర్వహించి చట్టపరమైన చర్యలు చేపట్టారు.

ఈ తనిఖీల్లో ట్రావెలర్ బస్సు నడుపుతున్న డ్రైవర్ . మద్దయ్య మద్యం సేవించి వాహనం నడుపుతున్నట్లు గుర్తించిన పోలీసులు, అతనిపై డ్రంక్ అండ్ డ్రైవింగ్ కేసు నమోదు చేసి బ్రీత్ అనలైజర్ పరీక్ష నిర్వహించారు. పరీక్షలో 89.2 /100 ఆల్కహాల్ ఉన్నట్లు నిర్ధారణ అయింది.

అవసరమైన ఆధారాలతో నిందితుడిని పోలీసులు గౌరవనీయ న్యాయస్థానం ముందు హాజరుపరచగా, కేసును పరిశీలించిన న్యాయస్థానం నిందితుడిని దోషిగా నిర్ధారించి 10 రోజుల సాధారణ జైలు శిక్షతో పాటు 10,000 జరిమానా విధించింది.

నిందితుడు జరిమానా చెల్లించిన అనంతరం, న్యాయస్థానం విధించిన జైలు శిక్ష అమలు చేసేందుకు ట్రాఫిక్ పోలీసులు అతడిని కస్టడీలోకి తీసుకుని జైలుకు తరలించారు.

ఈ చర్యను తిరుపతి ట్రాఫిక్ పోలీస్ స్టేషన్ సీఐ . భాస్కర్ నాయక్, ఎస్ఐ వెంకటేష్ పర్యవేక్షించారు.

మద్యం సేవించి వాహనం నడపడం వల్ల డ్రైవర్తో పాటు ప్రయాణికులు, ఇతర రహదారి వినియోగదారుల ప్రాణాలకు తీవ్ర ప్రమాదం ఏర్పడే అవకాశం ఉన్నందున, డ్రంక్ అండ్ డ్రైవింగ్కు పాల్పడే వారిపై తనిఖీలు, కేసుల నమోదు, న్యాయస్థానం ద్వారా శిక్షలు పడేలా చర్యలు నిరంతరం కొనసాగుతాయని తిరుపతి ట్రాఫిక్ పోలీసులు స్పష్టం చేశారు.