దేశంలో ఆహార ధరలు మరింత పెరిగే ప్రమాదం ఉందని తాజా ఆర్థిక అంచనాలు హెచ్చరిస్తున్నాయి. బలహీనపడిన రుతుపవనాలు, నేలలో తేమ తగ్గడం, సాగునీటి కొరత కారణంగా రబీ పంటల సాగుపై ప్రభావం పడే అవకాశం ఉంది. ఇప్పటికే బియ్యం, గోధుమలు, పప్పులు, చక్కెర, ఉల్లిపాయలతో పాటు పాలు, చికెన్ ధరలు కూడా పెరుగుతున్నాయి.
రాయిటర్స్ నివేదిక ప్రకారం, సెప్టెంబర్లో దేశ ఆహార ద్రవ్యోల్బణం 7.74 శాతానికి చేరింది. దీంతో మొత్తం రిటైల్ ద్రవ్యోల్బణం 5.54 శాతంగా నమోదైంది. అక్టోబర్ నుంచి డిసెంబర్ మధ్య ఆహార ద్రవ్యోల్బణం దాదాపు 10 శాతానికి చేరవచ్చని ఇండియా రేటింగ్స్ ఆర్థికవేత్త దేవేంద్ర పంత్ అంచనా వేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పౌల్ట్రీ, డెయిరీ రంగాలపై ప్రభావం
ముఖ్యంగా కోళ్ల పెంపకానికి ఉపయోగించే మొక్కజొన్న, సోయాబీన్ దాణా ధరలు పెరగడం చికెన్ ధరలపై ప్రభావం చూపుతోంది. రవాణా, ఇంధన ఖర్చులు కూడా పెరగడంతో పౌల్ట్రీ, డెయిరీ రంగాల నిర్వహణ వ్యయం అధికమవుతోంది. వచ్చే ఏడాది జనవరి నుంచి చికెన్ ధరలు మరింత పెరిగే అవకాశం ఉందని పరిశ్రమ వర్గాలు భావిస్తున్నాయి.
