ఐఐటీ బాంబే విద్యార్థి సహిల్ వాకోడే మృతి కేసు దర్యాప్తులో కీలక అంశాలు వెలుగులోకి వస్తున్నాయి. న సహిల్ మృతి చెందిన ఘటనపై దర్యాప్తు చేస్తున్న ముంబై క్రైమ్ బ్రాంచ్ ఇప్పటివరకు సుమారు 40 మంది వాంగ్మూలాలను నమోదు చేసింది. ఇందులో సహిల్ తల్లిదండ్రులు, తోటి విద్యార్థులు, హాస్టల్ సిబ్బంది, ఇతర సంబంధిత వ్యక్తులు ఉన్నారు.
అదే సమయంలో అతడికి సంబంధించిన ఎలక్ట్రానిక్ పరికరాలను ఫోరెన్సిక్ పరిశీలనకు పంపించారు. దర్యాప్తులో భాగంగా సహిల్ పరీక్ష రాస్తున్న సమయంలో ఏం జరిగిందనే అంశంపై పోలీసులు ప్రత్యేకంగా దృష్టి సారించారు. పరీక్షలో ఫోన్ ఉపయోగించి చీటింగ్ చేశాడనే ఆరోపణలతో అతడిని పరీక్ష హాల్ నుంచి బయటకు పంపినట్లు ఇప్పటికే సమాచారం వెలువడింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పరీక్షలో పట్టుబడటం, క్షమాపణ లేఖ
సహిల్ తన చివరి ఫోన్ సంభాషణలో పరీక్షలో పట్టుబడ్డ విషయాన్ని ప్రస్తావించినట్లు ఓ స్నేహితురాలు పోలీసులకు చెప్పినట్లు కూడా దర్యాప్తు వివరాల్లో వెల్లడైంది. అయితే ఈ అంశాలు ప్రస్తుతం పోలీసుల దర్యాప్తులో భాగంగా ఉన్నాయని, వాటిపై తుది నిర్ధారణ జరగలేదని అధికారులు పేర్కొన్నారు. తాజాగా సహిల్ నుంచి ఒక క్షమాపణ లేఖ తీసుకున్నారనే విషయం కూడా వెలుగులోకి వచ్చింది. పరీక్షలో అక్రమ పద్ధతికి పాల్పడ్డాడనే ఆరోపణల అనంతరం అతడితో ఈ లేఖపై సంతకం చేయించినట్లు దర్యాప్తు వర్గాలను ఉటంకిస్తూ కథనాలు పేర్కొన్నాయి.
