వేంపల్లిలో దశరథ్ సామాజిక సేవకు సర్పంచ్, గ్రామస్తుల అభినందనలు

మండలంలోని వేంపల్లి గ్రామంలో ట్రాక్టర్ యజమాని దశరథ్ తనదైన శైలిలో సమాజ సేవలు అందిస్తున్నారు. గ్రామంలో రోడ్లపై ఏర్పడిన గుంతలను దశరథ్ తన ట్రాక్టర్ సహాయంతో పక్కన ఉన్న మట్టిని నింపి పూడ్చి మరమ్మత్తులు చేస్తున్నారు.

అలాగే, రోడ్ల పక్కన, క్రాసింగ్ వద్ద పెరిగిన పిచ్చి మొక్కలు, చెట్లను తొలగించి మానవత్వం చాటుతున్నారు. వాహనదారులు, గ్రామస్తులు ఇబ్బంది పడకుండా చేస్తున్న ఈ సమాజ సేవ పట్ల దశరథ్ ను స్థానిక సర్పంచ్ మహేష్ యాదవ్, విడిసి సభ్యులు, గ్రామస్తులు అభినందిస్తున్నారు.

దశరథ్ చేస్తున్న సేవలను గ్రామస్తులు ప్రత్యేకంగా ప్రశంసిస్తున్నారు. తన ట్రాక్టర్ తో రోడ్ల మరమ్మత్తులు చేయడం, పిచ్చి మొక్కలను తొలగించడం వంటి పనులతో ఆయన గ్రామానికి ఎంతో సహాయపడుతున్నారు. ఆయన నిస్వార్థ సేవ అందరికీ ఆదర్శంగా నిలుస్తోంది.