పేదలకు అండగా సీఎం సహాయనిధి: రాజంపేటలో 21 మందికి రూ. 18 లక్షల చెక్కుల పంపిణీ

ఈ సందర్భంగా ఆయన మాట్లాడుతూ, ఆర్థిక ఇబ్బందుల కారణంగా ఎవరూ వైద్య సేవలకు దూరం కాకూడదనే లక్ష్యంతో కూటమి ప్రభుత్వం సీఎంఆర్ఎఫ్ ద్వారా సహాయాన్ని అందిస్తోందని తెలిపారు. గత ప్రభుత్వంలో సీఎంఆర్ఎఫ్ చెక్కులు మంజూరులో తీవ్ర జాప్యం జరిగేదని, ప్రస్తుత చంద్రబాబు నాయుడు ప్రభుత్వం అర్హులైన వారికి సత్వరమే చెక్కులు మంజూరు చేస్తూ ఆదుకుంటోందని తెలిపారు.

పేద ప్రజలకు వైద్యం భారం కాకూడదనే ఉద్దేశంతో ముఖ్యమంత్రి చంద్రబాబు నాయుడు సీఎంఆర్ఎఫ్ నిధులను పెద్ద ఎత్తున విడుదల చేస్తున్నారని, ఇది నిజంగా పేదలకు వరం లాంటిదని కొనియాడారు.

ప్రజా సంక్షేమమే లక్ష్యం

అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని, ప్రజా సంక్షేమమే తమ ప్రభుత్వ ప్రధాన లక్ష్యమని స్పష్టం చేశారు. ప్రజల సమస్యల పరిష్కారానికి తాను నిరంతరం అందుబాటులో ఉంటానని, ఎవరికైనా వైద్య సహాయం అవసరమైతే తనను సంప్రదించవచ్చని ఆయన తెలిపారు. ప్రజలకు ప్రభుత్వ పథకాలపై అవగాహన కల్పించడంలో కార్యకర్తలు కృషి చేయాలని పిలుపునిచ్చారు.

ఈ కార్యక్రమంలో పలువురు పార్టీ ముఖ్య నాయకులు, కార్యకర్తలు, లబ్ధిదారులు పెద్ద ఎత్తున పాల్గొన్నారు. చెక్కులు అందుకున్న లబ్ధిదారులు ముఖ్యమంత్రి చంద్రబాబు నాయుడుకు, ఇన్చార్జ్ చమర్తి జగన్ మోహన్ రాజుకు కృతజ్ఞతలు తెలిపారు.