స్థానిక సంస్థల ఎన్నికల తిరుపతి జిల్లాలో పోలీసుల ఫ్లాగ్ మార్చ్లు

రానున్న ఎంపీటీసీ, జెడ్పీటీసీ స్థానిక సంస్థల ఎన్నికల తిరుపతి జిల్లా వ్యాప్తంగా పోలీసు శాఖ విస్తృత భద్రతా చర్యలు చేపట్టింది. ఎన్నికలు జరిగే ప్రాంతాల్లో ఫ్లాగ్ మార్చ్లు నిర్వహిస్తూ ప్రజలకు భద్రతా భరోసా కల్పిస్తున్నారు. ఎలాంటి ప్రలోభాలకు, బెదిరింపులకు లొంగకుండా స్వేచ్ఛగా ఓటు హక్కు వినియోగించుకోవాలని సూచిస్తున్నారు.

తిరుపతి జిల్లా ఎస్పీ ఎల్. సుబ్బరాయుడు ఐపీఎస్ ఆదేశాల మేరకు, జిల్లా వ్యాప్తంగా ఎన్నికలు జరిగే ప్రాంతాల్లో పోలీసు శాఖ విస్తృత భద్రతా చర్యలు చేపడుతోంది. ఇందులో భాగంగా నాగలాపురం పట్టణం, వెస్ట్ కాలనీలో పోలీసు అధికారులు, సిబ్బంది ఫ్లాగ్ మార్చ్ నిర్వహించి ప్రజలకు భద్రతా భరోసా కల్పించారు. ఇదే విధంగా జిల్లాలోని ఇతర ఎన్నికల ప్రాంతాల్లోనూ ఫ్లాగ్ మార్చ్లు నిర్వహిస్తున్నారు.

ఈ సందర్భంగా పోలీసులు ప్రజలకు ఎన్నికలపై అవగాహన కల్పిస్తూ, ప్రతి ఒక్కరూ ఎలాంటి ప్రలోభాలకు, బెదిరింపులకు లేదా ఇతరుల ఒత్తిళ్లకు లొంగకుండా స్వేచ్ఛగా, నిర్భయంగా తమ ఓటు హక్కును వినియోగించుకోవాలని సూచించారు. ఎన్నికల ప్రక్రియ ప్రశాంతంగా, నిష్పక్షపాతంగా జరిగేలా ప్రజలు పోలీసు శాఖకు సహకరించాలని కోరారు.