రోబోటిక్స్ రంగంలో చైనా మరో వినూత్న ప్రయోగానికి శ్రీకారం చుట్టింది. ఆ దేశానికి చెందిన ప్రముఖ రోబోటిక్స్ సంస్థ యూనిట్రీ రోబోటిక్స్ సరికొత్త హ్యూమనాయిడ్ రోబోను పరిచయం చేసింది. హెచ్2-ఎక్స్ కుంగ్ ఫూ లెజెండ్ గార్డియన్ పేరుతో రూపొందించిన ఈ రోబోను భద్రత, వ్యక్తిగత రక్షణ, అత్యవసర సహాయక చర్యల కోసం అభివృద్ధి చేశారు.
కంపెనీ విడుదల చేసిన ప్రచార వీడియోలో ఈ రోబో పలు సాహసోపేత విన్యాసాలు చేసింది. కత్తితో దాడి చేసేందుకు వచ్చిన వ్యక్తిని అడ్డుకుని, అతడి నుంచి ఆయుధాన్ని దూరం చేసేలా ప్రదర్శించారు. అలాగే ఒక మహిళకు రక్షణగా నిలిచే దృశ్యాన్ని చూపించారు. కారు తలుపులను తన్నడం, నాలుగు మీటర్ల ఎత్తు నుంచి కిందకు దూకడం వంటి విన్యాసాలను కూడా రోబో ప్రదర్శించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రమాదానికి గురై వాహనం కింద చిక్కుకున్న వ్యక్తిని బయటకు తీసేందుకు కారును పైకి ఎత్తినట్లు మరో దృశ్యంలో చూపించారు. వేగంగా వస్తున్న వాహనం నుంచి ఓ వ్యక్తిని పక్కకు లాగి రక్షించే సన్నివేశం కూడా వీడియోలో ఉంది. ఈ ప్రదర్శన ద్వారా రోబో శారీరక సామర్థ్యాలను కంపెనీ చాటింది.
