ఆరోగ్యంగా ఉండాలంటే ప్రతిరోజూ తీసుకునే ఆహారంలో అన్ని పోషకాలు ఉండేలా చూసుకోవాలి. కేవలం అన్నం, పప్పు లేదా ఒకే రకమైన ఆహారంతో శరీరానికి అవసరమైన పోషకాలన్నీ అందవు. ఈ నేపథ్యంలో భారత వైద్య పరిశోధనా మండలి (ఐసీఎంఆర్), జాతీయ పోషకాహార సంస్థ (ఎన్ఐఎన్) రూపొందించిన 2024 ఆహార మార్గదర్శకాలు సమతుల ఆహారం తీసుకోవడంపై పలు సూచనలు చేస్తున్నాయి.
సుమారు 2,000 కిలోకేలరీల అవసరాన్ని ఆధారంగా తీసుకుని, ఎన్ఐఎన్ సూచించిన నమూనా ఆహారంలో ఈ పరిమాణాలు ఉన్నాయి. తృణధాన్యాలు, చిరుధాన్యాలు 250 గ్రాములు, పప్పులు 85 గ్రాములు, పాలు లేదా పెరుగు 300 మి.లీ., కూరగాయలు, ఆకుకూరలు 400 గ్రాములు, పండ్లు 100 గ్రాములు, గింజలు, విత్తనాలు 35 గ్రాములు, నూనెలు, కొవ్వులు 27 గ్రాములు తీసుకోవాలని సూచించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇవి సాధారణ నమూనా సూచనలు. ఘన ఆహార పదార్థాల పరిమాణాలు వండని స్థితిలోని తినదగిన భాగానికి సంబంధించినవి. వ్యక్తి వయసు, బరువు, శారీరక శ్రమ, ఆరోగ్య పరిస్థితిని బట్టి అవసరాలు మారుతాయి.
