స్పెయిన్ ఫుట్బాల్లో చిరకాల ప్రత్యర్థులైన బార్సిలోనా, రియల్ మాడ్రిడ్ మధ్య జరిగే ఎల్ క్లాసికో మ్యాచ్కు ముందు బార్సిలోనా అభిమానులు తమ జట్టుకు మద్దతుగా అద్భుతమైన దృశ్యరూపాన్ని ప్రదర్శించారు. క్యాంప్ నౌ స్టేడియం నీలం, ఎరుపు రంగులతో నిండిపోయింది.
నీలం, ఎరుపు రంగుల కార్డులతో స్టేడియంలోని మొదటి, రెండో వరుసల ప్రేక్షకుల గ్యాలరీలను అలంకరించి, బాటెక్ బ్లౌగ్రానా అనే నినాదాన్ని ఆవిష్కరించారు. దీనికి అర్థం నీలం, ఎరుపు రంగుల గుండె చప్పుడు. అభిమానుల ప్రేమ, జట్టుపై ఉన్న అభిమానం, ఆటపై వారి ఉద్వేగాన్ని ఈ ప్రదర్శన ప్రతిబింబించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అభిమానుల గుండె చప్పుడుకు ప్రతిరూపంగా భారీ మొజాయిక్
మ్యాచ్ ప్రారంభానికి ముందు అభిమానులు సమన్వయంతో ఈ భారీ మొజాయిక్ను ప్రదర్శించారు. నీలం, ఎరుపు రంగుల మధ్య అలల తరహాలో రూపొందించిన ఆకృతులు గుండె చప్పుడును సూచించాయి. ప్రత్యర్థి జట్టుతో కీలక పోరుకు సిద్ధమవుతున్న ఆటగాళ్లలో ఉత్సాహాన్ని నింపడమే ఈ ప్రదర్శన ప్రధాన ఉద్దేశం.
