భారత ఒలింపిక్ స్వర్ణ పతక విజేత, జావెలిన్ త్రో స్టార్ నీరజ్ చోప్రాకు చెందిన వెల్ స్పోర్ట్స్ మేనేజ్మెంట్ ( ) మరో ప్రతిభావంతమైన భారత అథ్లెట్తో ఒప్పందం కుదుర్చుకుంది. ఆసియా క్రీడల్లో కాంస్య పతకం సాధించిన మహిళా హైజంప్ క్రీడాకారిణి పూజాను తమ సంస్థలోకి ఆహ్వానించింది. ఈ ఒప్పందం ద్వారా ఆమె క్రీడా ప్రస్థానానికి, వృత్తిపరమైన అభివృద్ధికి సంస్థ అండగా నిలవనుంది.
హర్యానాకు చెందిన 19 ఏళ్ల పూజా ఇప్పటికే భారత అథ్లెటిక్స్లో ప్రత్యేక గుర్తింపు తెచ్చుకుంది. 2026లో జపాన్లోని ఐచి-నగోయాలో జరిగిన ఆసియా క్రీడల్లో మహిళల హైజంప్ విభాగంలో కాంస్య పతకం సాధించింది. ఈ పోటీల్లో 1.84 మీటర్ల ఎత్తును అధిగమించి పతకాన్ని సొంతం చేసుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అంతకుముందు హాంకాంగ్లో జరిగిన ఆసియా అండర్-20 అథ్లెటిక్స్ ఛాంపియన్షిప్లో 1.93 మీటర్ల ఎత్తును అధిగమించి స్వర్ణ పతకం సాధించింది. ఈ ప్రదర్శనతో మహిళల హైజంప్లో భారత జాతీయ రికార్డును నెలకొల్పింది. గతంలో సాహనా కుమారి పేరిట ఉన్న 1.92 మీటర్ల రికార్డును పూజా అధిగమించింది.
