వ్యవసాయంలో రసాయన ఎరువుల వాడకం పెరుగుతున్న నేపథ్యంలో, పచ్చిరొట్ట ఎరువులు నేల ఆరోగ్యాన్ని కాపాడటంతో పాటు సాగు ఖర్చులను తగ్గించడంలో కీలక పాత్ర పోషిస్తాయి. పంటల అవసరాలకు అనుగుణంగా వీటిని వినియోగించడం ద్వారా యూరియా వంటి నత్రజని ఎరువులపై ఆధారపడటాన్ని గణనీయంగా తగ్గించుకోవచ్చు.
పచ్చిరొట్ట ఎరువులు అంటే పొలంలోనే కొన్ని ప్రత్యేక మొక్కలను పెంచి, అవి పూత దశకు వచ్చే సమయంలో నేలలో కలియదున్నడం ద్వారా తయారయ్యే సహజ ఎరువులు. వీటి ఆకులు, కాండాలు కుళ్లి నేలలో సేంద్రియ పదార్థాన్ని పెంచుతాయి. దీనివల్ల నేలలో పోషకాల లభ్యత, నీటిని నిల్వ చేసుకునే సామర్థ్యం మెరుగుపడతాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
జనుము, జీలుగ, పిల్లిపెసర, అలసంద వంటి పంటలను పచ్చిరొట్ట ఎరువుల కోసం సాగు చేయవచ్చు. ముఖ్యంగా పప్పుజాతి మొక్కల వేర్లలో ఉండే సూక్ష్మజీవులు వాతావరణంలోని నత్రజనిని నేలలో స్థిరీకరించేందుకు తోడ్పడతాయి.
