హోండా మోటార్సైకిల్ అండ్ స్కూటర్ ఇండియా దేశీయ మార్కెట్లో కొత్త అడ్వెంచర్ బైక్ను విడుదల చేసింది. హోండా 300 ర్యాలీ పేరుతో వచ్చిన ఈ బైక్ ఎక్స్-షోరూమ్ ధరను రూ.2.08 లక్షలుగా నిర్ణయించారు. హోండా బిగ్వింగ్ డీలర్షిప్లలో ఈ బైక్ కోసం బుకింగ్లు ప్రారంభమయ్యాయి.
300 ర్యాలీలో 293.5 సీసీ సింగిల్ సిలిండర్, ఎయిర్-అండ్-ఆయిల్ కూల్డ్ ఇంజిన్ను ఉపయోగించారు. ఇదే ఇంజిన్ హోండా 300లోనూ ఉంది. అంతర్జాతీయ వెర్షన్ ఆధారంగా ఈ ఇంజిన్ సుమారు 24 బీహెచ్పీ శక్తి, 26.5 ఎన్ఎం టార్క్ను ఉత్పత్తి చేస్తుందని సమాచారం. అయితే, భారత మార్కెట్ వెర్షన్కు సంబంధించిన పూర్తి శక్తి, టార్క్ వివరాలను హోండా ఇంకా అధికారికంగా వెల్లడించలేదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆఫ్రోడ్ ప్రయాణాలకు అనువుగా
300 ర్యాలీని సాధారణ రహదారులతో పాటు కఠినమైన మార్గాల్లో ప్రయాణించేందుకు అనువుగా రూపొందించారు. ముందు భాగంలో 21 అంగుళాల, వెనుక 18 అంగుళాల స్పోక్డ్ వీల్స్ను ఏర్పాటు చేశారు. ముందు టెలిస్కోపిక్ ఫోర్కులు, వెనుక మోనోషాక్ సస్పెన్షన్ ఉన్నాయి. రెండు చక్రాలకు డిస్క్ బ్రేకులు అందించారు.
