భారత మాజీ రాష్ట్రపతి, భారతరత్న డాక్టర్ ఏపీజే అబ్దుల్ కలాం జయంతి సందర్భంగా తెలంగాణ ముఖ్యమంత్రి ఎ. రేవంత్ రెడ్డి ఆయనకు హృదయపూర్వక నివాళులు అర్పించారు. దేశం గర్వించదగిన గొప్ప శాస్త్రవేత్తగా, అపారమైన మేధాశక్తికి ప్రతీకగా, నిరాడంబర జీవితానికి నిదర్శనంగా నిలిచిన కలాం, దేశ ప్రజలకు, ముఖ్యంగా యువతకు నిరంతరం స్ఫూర్తినిస్తున్నారని కొనియాడారు.
భారతదేశ రక్షణ రంగం, అంతరిక్ష పరిశోధనలు, శాస్త్రసాంకేతిక అభివృద్ధికి డాక్టర్ అబ్దుల్ కలాం అందించిన సేవలు ఎప్పటికీ మరువలేనివని సీఎం పేర్కొన్నారు. దేశాన్ని శాస్త్రసాంకేతిక రంగాల్లో మరింత ముందుకు తీసుకెళ్లేందుకు ఆయన చేసిన కృషి చిరస్మరణీయమని తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సామాన్య కుటుంబంలో జన్మించి, తన ప్రతిభ, పట్టుదల, క్రమశిక్షణతో దేశ అత్యున్నత పదవిని అధిరోహించడం ఆయన జీవితంలోని గొప్ప విశేషమని పేర్కొన్నారు.
