ఆఫ్ఘనిస్థాన్లోని కునార్, పక్తికా ప్రావిన్సుల్లో పాకిస్థాన్ సైన్యం వైమానిక దాడులు నిర్వహించింది. ఈ దాడులను ఆఫ్ఘనిస్థాన్ తీవ్రంగా ఖండించింది. పాకిస్థాన్ చర్యకు తగిన సమాధానం ఇస్తామని ఆఫ్ఘనిస్థాన్ ప్రభుత్వ అధికార ప్రతినిధి జబీహుల్లా ముజాహిద్ హెచ్చరించారు.
ఆఫ్ఘన్ అధికారుల ప్రకారం, కునార్ ప్రావిన్స్లోని నర్గల్ ప్రాంతంలో జరిగిన పాకిస్థాన్ వైమానిక దాడిలో ఒక మహిళ, ఇద్దరు పురుషులు మృతి చెందగా, మరో నలుగురు గాయపడ్డారు. మృతులు, గాయపడినవారంతా స్థానిక పౌరులేనని ఆఫ్ఘన్ ప్రభుత్వం పేర్కొంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
పక్తికా ప్రావిన్స్లోని బర్మల్ ప్రాంతంలో ఓ ఇల్లు, దుకాణంపై కూడా దాడి జరిగినట్లు ఆఫ్ఘన్ అధికారులు తెలిపారు. అక్కడ ఎలాంటి ప్రాణనష్టం సంభవించలేదని వారు చెప్పారు.
