రక్తదానం చేసిన జనసేన నాయకులు

కామారెడ్డి జిల్లా కేంద్రంలో జనసేన పార్టీ నాయకులు జనసేన అధినేత, ఆంధ్రప్రదేశ్ ఉప ముఖ్యమంత్రి కొణిదెల పవన్ కళ్యాణ్ 55వ జన్మదినం సందర్భంగా కామారెడ్డి జిల్లా జనసేన పార్టీ ఆధ్వర్యంలో కామారెడ్డి పట్టణలోని కేబిఎస్ బ్లడ్ బ్యాంకులో రక్త దాన శిబిరాన్ని ఏర్పాటు చేశారు. ఈ కార్యక్రమంలో కామారెడ్డి నియోజకవర్గ జనసేన నాయకులు జాజరి దినేష్ కుమార్ ఆధ్వర్యంలో పార్టీ నాయకులు రక్తదానం చేశారు. దినేష్ కుమార్ మాట్లాడుతూ రెండు రాష్ట్రాల అభిమాన నాయకుడు పవన్ కళ్యాణ్ జన్మదినం సందర్భంగా రక్తదానం చేయడం ఆనందంగా ఉందని, జనసేన పార్టీ పుట్టిందే తెలంగాణ గడ్డమీద అని పేర్కొన్నారు. ఈ కార్యక్రమంలో రవితేజ, కరుణాకర్, ఎల్లారెడ్డి నియోజకవర్గం నుంచి పళ్లెం అరవింద్, రాజు, రవితేజ, సూర్య, రోహన్, చరణ్ తదితరులు పాల్గొన్నారు.