ఫ్రెంచ్ ఓపెన్ వరల్డ్ టూర్ సూపర్-750 బ్యాడ్మింటన్ టోర్నీలో భారత స్టార్ షట్లర్ పీవీ సింధు సెమీఫైనల్కు చేరుకుంది. శుక్రవారం జరిగిన క్వార్టర్ ఫైనల్ పోరులో చైనీస్ తైపీ క్రీడాకారిణి చియు పిన్ చియాన్పై వరుస గేముల్లో విజయం సాధించింది. ఈ విజయంతో ఆమె టోర్నీలో తన ప్రస్థానాన్ని కొనసాగిస్తోంది.
39 నిమిషాల పాటు సాగిన ఈ మ్యాచ్లో సింధు 21-13, 21-14 స్కోరుతో ప్రత్యర్థిని ఓడించింది. ప్రపంచ ర్యాంకింగ్స్లో 11వ స్థానంలో ఉన్న సింధు ఆరంభం నుంచే ఆధిపత్యం ప్రదర్శించింది. తొలి గేమ్లో ప్రత్యర్థికి ఎక్కువ అవకాశాలు ఇవ్వకుండా పాయింట్లు సాధించింది. రెండో గేమ్లోనూ అదే దూకుడును కొనసాగిస్తూ విజయాన్ని ఖాయం చేసుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇటీవల ఆసియా క్రీడల్లోనూ చియు పిన్ చియాన్పై సింధు గెలిచింది. తాజాగా మరోసారి ఆమెపై విజయం సాధించి తన సత్తాను నిరూపించుకుంది. ఈ ఏడాది ఇది సింధుకు నాలుగో సెమీఫైనల్ ప్రవేశం. జనవరిలో మలేసియా ఓపెన్లో, జూన్లో ఆస్ట్రేలియన్ ఓపెన్లో చివరి నాలుగు దశకు చేరిన ఆమె, జూలైలో జపాన్ ఓపెన్ టైటిల్ను కైవసం చేసుకుంది.
