రక్తపోటు (బీపీ) తక్కువగా ఉండి, గుండె వేగంగా కొట్టుకోవడం ఒకేసారి సంభవించవచ్చా అవును, ఇది సాధ్యమే. ఈ రెండు లక్షణాలు కనిపించినప్పుడు వాటిని నిర్లక్ష్యం చేయకూడదని గుండె వైద్య నిపుణులు సూచిస్తున్నారు. కొన్నిసార్లు శరీరంలో నీటి శాతం తగ్గడం వంటి సాధారణ కారణాలతో ఈ పరిస్థితి ఏర్పడవచ్చు. మరికొన్ని సందర్భాల్లో ఇది తీవ్రమైన ఆరోగ్య సమస్యకు సంకేతంగా ఉండవచ్చు.
రక్తపోటు తగ్గినప్పుడు, మెదడు, గుండె వంటి ముఖ్యమైన అవయవాలకు తగినంత రక్తప్రసరణ అందేలా శరీరం స్పందిస్తుంది. ఈ క్రమంలో గుండె వేగంగా కొట్టుకోవచ్చు. రక్తప్రసరణను కొనసాగించేందుకు శరీరం చేసే ప్రయత్నమే ఇది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కార్డియాలజీ నిపుణుడు డాక్టర్ సౌరభ్ జునేజా వివరాల ప్రకారం, శరీరంలో నీటి శాతం తగ్గడం, అధికంగా చెమట పట్టడం, విరేచనాలు, వాంతులు లేదా తగినంత ద్రవాలు తీసుకోకపోవడం ఈ పరిస్థితికి సాధారణ కారణాలు కావచ్చు.
