సెపాహిజాలా, 3 నవంబర్ 2026
త్రిపురలోని భారత్బంగ్లాదేశ్ సరిహద్దు సమీపంలో బీఎస్ఎఫ్ సిబ్బందిపై గ్రామస్థుల గుంపు దాడికి పాల్పడింది. అక్రమ రవాణా కార్యకలాపాలపై నిఘా నిర్వహిస్తున్న సమయంలో ఈ వివాదం చోటుచేసుకుంది. ఈ ఘటనలో ముగ్గురు బీఎస్ఎఫ్ సిబ్బంది గాయపడగా, ముగ్గురు మహిళలు సహా తొమ్మిది మందిని పోలీసులు అరెస్ట్ చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సెపాహిజాలా జిల్లాలోని అషాబరి గ్రామం వద్ద, కలామచౌరా పోలీస్ స్టేషన్ పరిధిలో ఈ ఘటన జరిగింది. 49వ బెటాలియన్కు చెందిన బీఎస్ఎఫ్ సిబ్బంది సోమవారం సరిహద్దు ప్రాంతంలో అక్రమ రవాణా జరుగుతున్నట్లు గుర్తించారు. భారతీయ, బంగ్లాదేశ్కు చెందిన కొందరు వ్యక్తులు అక్రమంగా వస్తువుల రవాణాకు పాల్పడుతున్నట్లు అనుమానించడంతో బీఎస్ఎఫ్ సిబ్బంది అక్కడికి చేరుకుని ఓ భారతీయ వ్యక్తిని అదుపులోకి తీసుకునేందుకు ప్రయత్నించారు. అయితే, సరిహద్దు కంచె అవతల ఉన్న బంగ్లాదేశ్కు చెందిన వ్యక్తులు అక్కడి నుంచి పారిపోయారు.
