ఆసియా ఛాంపియన్స్ ట్రోఫీ పురుషుల హాకీ టోర్నీలో భారత జట్టు తన విజయ పరంపరను కొనసాగిస్తోంది. జలంధర్లో ఆదివారం జరిగిన లీగ్ మ్యాచ్లో భారత్ 4-2 గోల్స్ తేడాతో మలేషియాపై విజయం సాధించింది. దీంతో టోర్నీలో వరుసగా నాలుగో గెలుపును నమోదు చేసి, అజేయంగా తన ఆధిపత్యాన్ని కొనసాగించింది.
భారత కెప్టెన్ హర్మన్ప్రీత్ సింగ్ అద్భుత ప్రదర్శనతో జట్టు విజయంలో కీలక పాత్ర పోషించాడు. అతడు మూడు గోల్స్ చేసి హ్యాట్రిక్ సాధించాడు. మ్యాచ్ ప్రారంభమైన మూడో నిమిషంలోనే పెనాల్టీ కార్నర్ను గోల్గా మలిచి భారత్కు ఆధిక్యం అందించాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అయితే 25వ నిమిషంలో మలేషియా ఆటగాడు అఖిముల్లా అనువార్ పెనాల్టీ కార్నర్ ద్వారా గోల్ చేయడంతో స్కోరు 1-1తో సమమైంది. మూడో క్వార్టర్ ప్రారంభంలో 33వ నిమిషంలో హర్మన్ప్రీత్ మరో పెనాల్టీ కార్నర్ను గోల్గా మలిచి భారత్ను తిరిగి ఆధిక్యంలోకి తీసుకెళ్లాడు.
