ఆర్థిక రిజర్వేషన్ల రథయాత్ర వాయిదా: లో ఈ నెల 24న జరగాల్సిన కార్యక్రమం తాత్కాలికంగా నిలిపివేత

ఢిల్లీ నుంచి రథయాత్రలో పాల్గొనేందుకు వచ్చిన తమ బృందంలోని ఒక నాయకుడు అనారోగ్యానికి గురికావడం, ఆంధ్రప్రదేశ్లో ఎన్నికల కోడ్ అమలులో ఉండటం, సమావేశాల నిర్వహణకు అనుకూలమైన పరిస్థితులు లేకపోవడం వంటి కారణాలతో కార్యక్రమాన్ని తాత్కాలికంగా వాయిదా వేయాల్సి వచ్చిందని ఆయన వివరించారు. పరిస్థితులు అనుకూలించిన అనంతరం రథయాత్రను తిరిగి నిర్వహించే విషయాన్ని పరిశీలిస్తామని పేర్కొన్నారు.

నాయకులకు సన్మానం

మీడియా సమావేశం అనంతరం, ఆర్థిక ఆధారిత రిజర్వేషన్ల రథయాత్రకు సంబంధించిన కార్యక్రమాల్లో చురుకుగా పనిచేసిన నాయకులకు గుర్తింపుగా ప్రవీణ్ అరోరా చేతుల మీదుగా ప్రశంసాపత్రాలు అందజేశారు. రెడ్డి ఐక్యవేదిక రాష్ట్ర అధ్యక్షుడు నాగర్తి చంద్రారెడ్డి, రాష్ట్ర వర్కింగ్ ప్రెసిడెంట్ నల్లవెల్లి కరుణాకర్ రెడ్డి, రాష్ట్ర అధికార ప్రతినిధి రాజకుమార్ రెడ్డి, రాష్ట్ర కార్యదర్శి కొప్పుల గంగారెడ్డి, జిల్లా సోషల్ మీడియా కన్వీనర్ కందడి ప్రవీణ్ రెడ్డి ప్రశంసాపత్రాలు అందుకున్నారు. అనంతరం వారిని శాలువాలతో ఘనంగా సన్మానించారు. ఈ కార్యక్రమంలో పలు సామాజిక సంఘాల నాయకులు, ఇతర ప్రతినిధులు పాల్గొన్నారు.