ఇంద్రవెల్లి, 26 ఏప్రిల్ 2026
తెలంగాణలోని ఆదిలాబాద్ జిల్లాకు చెందిన ప్రీతి ముండే జాతీయ స్థాయిలో ప్రతిష్టాత్మక మిస్ ఎర్త్ వాటర్ ఇండియా-2026 కిరీటాన్ని సొంతం చేసుకున్నారు. ఇంద్రవెల్లి మండలం హీరాపూర్ గ్రామానికి చెందిన ఆమె, జైపూర్లో జరిగిన తుది పోటీల్లో దేశవ్యాప్తంగా 24 మంది పోటీదారులను అధిగమించి విజేతగా నిలిచారు. ఈ సందర్భంగా ఆమె కాంజెనియాలిటీ అనే ఉప టైటిల్ను కూడా గెలుచుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రీతి చిన్ననాటి నుంచే చదువులో ముందుండేవారని ఆమె కుటుంబ సభ్యులు తెలిపారు. ఉట్నూర్లో పాఠశాల విద్య పూర్తిచేసుకున్న ప్రీతి, ఉన్నత విద్య కోసం హైదరాబాద్కు వచ్చారు. కళాశాల రోజుల్లో నిర్వహించిన మిస్ ఫ్రెషర్స్ పోటీలో విజేతగా నిలవడం ఆమెలో అందాల పోటీలపై ఆసక్తిని పెంచింది. భవిష్యత్తులో మిస్ యూనివర్స్ కావాలనే లక్ష్యాన్ని అప్పట్లో ఏర్పరచుకున్నప్పటికీ, కుటుంబానికి అండగా నిలవాలనే ఉద్దేశంతో కొంతకాలం పోటీ పరీక్షలకు సిద్ధమయ్యారు. మాజీ ఎన్సీసీ విద్యార్థినిగా, ఆమె పోలీసు, సైనిక ఉద్యోగాలకు కూడా ప్రయత్నించారు.
