నిజామాబాద్ జిల్లాలో ప్రతిపాదిత ఆయిల్పామ్ ప్రాసెసింగ్ ఫ్యాక్టరీ ఏర్పాటుతో స్థానిక రైతులకు మెరుగైన ఆదాయం లభించడంతో పాటు ఉపాధి అవకాశాలు పెరుగుతాయని తెలంగాణ ప్రభుత్వ సలహాదారు పి. సుదర్శన్రెడ్డి తెలిపారు. మండలంలోని లక్కంపల్లి ప్రత్యేక ఆర్థిక మండలి సమీపంలో పరిశ్రమ ఏర్పాటుకు స్థల పరిశీలన చేపట్టారు.
ఈ కార్యక్రమంలో నిజామాబాద్ రూరల్ ఎమ్మెల్యే డాక్టర్ ఆర్. భూపతిరెడ్డి, కలెక్టర్ భావేష్ మిశ్రా, ఇతర అధికారులు పాల్గొన్నారు. నిజామాబాద్తో పాటు పొరుగు నిర్మల్ జిల్లాలో ప్రస్తుతం 17 వేల ఎకరాలకు పైగా ఆయిల్పామ్ సాగు జరుగుతోందని అధికారులు తెలిపారు. భవిష్యత్లో మరో 5 వేల ఎకరాలకు సాగు విస్తరించే అవకాశం ఉందని పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రైతులకు సమీపంలోనే ప్రాసెసింగ్ సదుపాయం అందుబాటులోకి వస్తే రవాణా సమస్యలు తగ్గడంతో పాటు పంటకు సంబంధించిన విలువ ఆధారిత కార్యకలాపాలు పెరిగే అవకాశం ఉందని అధికారులు అభిప్రాయపడ్డారు. ప్రతిపాదిత స్థలంపై సమగ్ర నివేదికను సిద్ధం చేసి సమర్పించాలని సుదర్శన్రెడ్డి అధికారులను ఆదేశించారు.
