కుల, ఆదాయ ధ్రువీకరణ పత్రాల జాప్యంపై రాజంపేట తహసీల్దార్ కార్యాలయంలో చమర్తి జగన్ మోహన్ రాజు ఆకస్మిక తనిఖీ

అధికారులకు ఆదేశాలు

ఈ సందర్భంగా ఆయన తహసీల్దార్ దస్తగిరయ్యతో మాట్లాడుతూ... పింఛన్ దరఖాస్తుదారులకు తక్షణమే ఆదాయ, కుల ధ్రువీకరణ పత్రాలు మంజూరు చేయాలని ఆదేశించారు. పత్రాల జారీ విషయంలో అధికారులు నిర్లక్ష్యం వహించి ప్రజలను ఇబ్బంది పెడితే చర్యలు తప్పవని హెచ్చరించారు.

ప్రజల సంక్షేమం కోసం అహర్నిశలు పాటుపడుతున్న ముఖ్యమంత్రి నారా చంద్రబాబు నాయుడు ఆశయాలకు అనుగుణంగా ప్రతి ఒక్క అధికారి పనిచేయాలని, అర్హుడైన ఏ ఒక్క లబ్ధిదారుడు కూడా పింఛన్ అవకాశాన్ని కోల్పోకూడదని సూచించారు. ప్రభుత్వ పథకాలకు సంబంధించిన ధ్రువీకరణ పత్రాల జారీలో ఎటువంటి అలసత్వం వహించకుండా శరవేగంగా స్పందించి ప్రజలకు న్యాయం చేయాలని ఆదేశాలు జారీ చేశారు.

నూతన పెన్షన్ల దరఖాస్తు గడువు పెంచినా సర్టిఫికెట్లు లేక వినియోగించుకోలేని పరిస్థితిలో ఉన్న లబ్ధిదారులకు చమర్తి చొరవతో దరఖాస్తు విధానం సులభతరం కావడంతో రాజంపేట నియోజకవర్గ ప్రజలు ఆయనకు ప్రత్యేక ధన్యవాదాలు తెలియజేశారు. అవ్వ, తాతల కళ్ళలో ఆనందమే కూటమి ప్రభుత్వానికి సంతృప్తి అని ఆయన అన్నారు.

ఈ కార్యక్రమంలో ఆయన వెంట పలువురు టీడీపీ ముఖ్య నాయకులు, కార్యకర్తలు పాల్గొన్నారు.