దేశంలో బీమా పాలసీలు కొనుగోలు చేసే వినియోగదారులకు ఖర్చు తగ్గే అవకాశం ఉందా అనే చర్చ మొదలైంది. బీమా రంగ నియంత్రణ సంస్థ ఐఆర్డీఏఐ బీమా పంపిణీ విధానంలో పలు మార్పులను ప్రతిపాదించింది. కమిషన్లు, బీమా సంస్థల నిర్వహణ ఖర్చులు, రుణాలతో బీమాను తప్పనిసరిగా కలిపి విక్రయించడం, తప్పుదారి పట్టించే విక్రయాలను నియంత్రించడం వంటి అంశాలపై కొత్త ప్రతిపాదనలు చేసింది.
అయితే, ఇవి ప్రస్తుతం ప్రతిపాదనల దశలోనే ఉన్నాయి. తుది నిబంధనలు అమల్లోకి వచ్చిన తర్వాతే వినియోగదారులపై వాస్తవ ప్రభావం స్పష్టమవుతుంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
1. కమిషన్లపై పరిమితులు
బీమా పాలసీల విక్రయానికి ఏజెంట్లు, బ్యాంకులు, బ్రోకర్లకు చెల్లించే కమిషన్లపై ఉత్పత్తి స్థాయిలో పరిమితులు విధించాలని ఐఆర్డీఏఐ ప్రతిపాదించింది. పాలసీ రకం, పంపిణీ మార్గం, పాలసీ విలువ, విక్రయానికి అవసరమైన సేవలను బట్టి కమిషన్లు మారే అవకాశం ఉంటుంది. కొత్త వాహనాలకు సంబంధించిన థర్డ్పార్టీ మోటార్ బీమాపై కమిషన్ లేకుండా చేసే ప్రతిపాదన కూడా ఉంది.
