హైదరాబాద్లో గణేశ్ శోభాయాత్ర, నిమజ్జన కార్యక్రమాలు ఎలాంటి అవాంఛనీయ సంఘటనలు లేకుండా ప్రశాంతంగా ముగిశాయి. ఈ నేపథ్యంలో నగర పోలీస్ కమిషనర్ సీపీ సజ్జనార్ పోలీసు అధికారులు, సిబ్బందిని అభినందించారు. వేడుకల నిర్వహణకు సహకరించిన వివిధ శాఖల అధికారులకు ఆయన ధన్యవాదాలు తెలిపారు.
హైదరాబాద్ పరిధిలోని నాలుగు కమిషనరేట్లలో గణేశ్ నిమజ్జనాలు విజయవంతంగా పూర్తయ్యాయని సీపీ సజ్జనార్ తెలిపారు. పోలీసు సిబ్బంది సమన్వయంతో విధులు నిర్వహించి, ఎలాంటి అవాంఛనీయ ఘటనలు జరగకుండా చూసుకున్నారని ఆయన ప్రశంసించారు. ఖైరతాబాద్, బాలాపూర్ గణేశ్ విగ్రహాలను కూడా నిర్ణీత సమయంలోనే నిమజ్జనం చేసినట్లు ఆయన వెల్లడించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
నిమజ్జన బందోబస్తు కోసం రాష్ట్రంలోని జిల్లాల నుంచి కూడా పోలీసు సిబ్బందిని హైదరాబాద్కు రప్పించినట్లు సీపీ తెలిపారు. దాదాపు 48 గంటల పాటు అధికారులు, సిబ్బంది విరామం లేకుండా విధులు నిర్వహించారని ఆయన చెప్పారు. వేడుకల నిర్వహణలో కొన్ని లోపాలను గుర్తించామని, భవిష్యత్లో వాటిని సరిదిద్దేందుకు చర్యలు తీసుకుంటామని పేర్కొన్నారు.
