వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్మోహన్రెడ్డి మంగళవారం ఒంగోలులో పర్యటించనున్నారు. ఇటీవల ఆకస్మికంగా మృతి చెందిన వైఎస్సార్సీపీ రాష్ట్ర ప్రచార విభాగం అధ్యక్షుడు, మాజీ లిడ్క్యాప్ చైర్మన్ కాకుమాను రాజశేఖర్ కుటుంబ సభ్యులను ఆయన స్వయంగా పరామర్శించనున్నారు. ఆయన ఒంగోలు పర్యటన ఖరారైనట్లు పార్టీ వర్గాలు వెల్లడించాయి.
కాకుమాను రాజశేఖర్ ఇటీవల హైదరాబాద్లోని తన నివాసంలో గుండెపోటుతో ఆకస్మికంగా మృతి చెందారు. ఆయన మరణంపై వైఎస్ జగన్ తీవ్ర దిగ్భ్రాంతి వ్యక్తం చేసి, పార్టీకి రాజశేఖర్ చేసిన సేవలను గుర్తుచేసుకున్నారు. రాజశేఖర్ కుటుంబ సభ్యులకు తన ప్రగాఢ సానుభూతిని తెలియజేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
రాజశేఖర్ మరణానంతరం ఒంగోలులోని ఆయన కుటుంబాన్ని వైఎస్సార్సీపీకి చెందిన పలువురు ముఖ్య నాయకులు ఇప్పటికే పరామర్శించారు. పార్టీ నేతలు ఆయన భౌతికకాయానికి నివాళులర్పించి, కుటుంబ సభ్యులకు సానుభూతి తెలిపారు. పార్టీ కోసం రాజశేఖర్ అంకితభావంతో పనిచేశారని వారు పేర్కొన్నారు.
