అమెరికాలో మీజిల్స్ (తట్టు) వ్యాప్తి ఆందోళనకరంగా పెరుగుతోంది. న్యూయార్క్ రాష్ట్రంలో ఈ ఏడాది ఇప్పటివరకు 108 కేసులు నమోదయ్యాయి. వీటిలో 92 కేసులు రాష్ట్రంలోని 18 గ్రామీణ కౌంటీల్లో వెలుగుచూశాయి. తక్కువ టీకా కవరేజీ ఉన్న ప్రాంతాల్లోనే ఎక్కువ కేసులు నమోదవుతున్నాయని అధికారులు తెలిపారు.
పరిస్థితిని దృష్టిలో ఉంచుకుని న్యూయార్క్ గవర్నర్ కాథీ హోచుల్ రాష్ట్రవ్యాప్తంగా విపత్తు అత్యవసర పరిస్థితిని ప్రకటించారు. మీజిల్స్ టీకాలు, పరీక్షలను మరింత సులభంగా అందుబాటులోకి తీసుకురావడం ఈ నిర్ణయం ప్రధాన ఉద్దేశం. అత్యవసర ఆదేశాల ప్రకారం పారామెడిక్స్, ఫార్మసిస్టులు, మిడ్వైవ్స్ తదితర ఆరోగ్య సిబ్బందికి కూడా టీకాలు ఇచ్చే అవకాశం కల్పించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
న్యూయార్క్ నగరంలో ఇప్పటివరకు 7 కేసులు నమోదయ్యాయి. మిగిలిన కేసులు నగరం వెలుపల నమోదయ్యాయి. గ్రామీణ ప్రాంతాల్లో జూలై మధ్య నుంచి స్థానిక ఆరోగ్య విభాగాలు ఇప్పటికే 1,000కు పైగా ఎంఎంఆర్ టీకా డోసులు అందించాయి.
