ఉత్తరప్రదేశ్ సాంకేతిక, పారిశ్రామిక రంగాల్లో వేగంగా అభివృద్ధి చెందుతోందని ముఖ్యమంత్రి యోగి ఆదిత్యనాథ్ అన్నారు. రాష్ట్రంలో ప్రస్తుతం 644 మెగావాట్ల సామర్థ్యంతో డేటా సెంటర్ ప్రాజెక్టులు కొనసాగుతున్నాయని, 24 వేలకుపైగా స్టార్టప్లు, 8 యూనికార్న్లు ఉన్నాయని తెలిపారు. మొబైల్ తయారీ నుంచి మైక్రోచిప్లు, కృత్రిమ మేధ వరకు రాష్ట్రం విస్తరిస్తోందని ఆయన పేర్కొన్నారు.
మంగళవారం సామాజిక మాధ్యమం ద్వారా రాష్ట్రంలో 2017 తర్వాత చోటుచేసుకున్న మార్పులను యోగి ఆదిత్యనాథ్ వివరించారు. దేశంలో తయారయ్యే మొబైల్ ఫోన్లలో సుమారు 60 శాతం, ఎలక్ట్రానిక్స్ విడిభాగాల్లో 55 శాతం వాటా ఉత్తరప్రదేశ్దేనని ఆయన పేర్కొన్నారు. జేవర్లో రూ.3,706 కోట్ల వ్యయంతో హెచ్సీఎల్ఫాక్స్కాన్ చిప్ తయారీ యూనిట్ ఏర్పాటవుతోందని తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
డేటా సెంటర్లకు భారీ పెట్టుబడులు
రాష్ట్రంలో డేటా సెంటర్ల రంగం కూడా విస్తరిస్తోంది. ప్రభుత్వ గణాంకాల ప్రకారం డేటా సెంటర్ ప్రాజెక్టులకు ఇప్పటివరకు రూ.21,342.90 కోట్ల పెట్టుబడి ప్రతిపాదనలు ఆమోదం పొందాయి. 644 మెగావాట్ల సామర్థ్యంపై పనులు కొనసాగుతున్నాయి. కొత్త డేటా సెంటర్ విధానం ద్వారా భవిష్యత్తులో 2 గిగావాట్లకు పైగా సామర్థ్యాన్ని అభివృద్ధి చేయాలని ప్రభుత్వం లక్ష్యంగా పెట్టుకుంది.
