స్పెయిన్ ఫుట్బాల్ లీగ్ లా లిగాలో రియల్ బెటిస్ అద్భుత ప్రదర్శన చేసింది. ఒసాసునాతో జరిగిన మ్యాచ్లో 5-2 గోల్స్ తేడాతో ఘన విజయం సాధించింది. బెటిస్ స్టార్ ఆటగాడు ఇస్కో రెండు గోల్స్తో జట్టు విజయానికి కీలక పాత్ర పోషించాడు.
ఈ గెలుపుతో బెటిస్ పాయింట్ల పట్టికలో రియల్ మాడ్రిడ్ను వెనక్కి నెట్టి మూడో స్థానానికి చేరుకుంది. న లా కార్టుజా స్టేడియంలో జరిగిన ఈ మ్యాచ్లో బెటిస్ ఆరంభం నుంచే దూకుడుగా ఆడింది. ఎనిమిదో నిమిషంలో లభించిన పెనాల్టీని ఇస్కో గోల్గా మలిచి జట్టుకు ఆధిక్యం అందించాడు. 31వ నిమిషంలో ఎజ్ అబ్దే మరో గోల్ చేయడంతో తొలి అర్ధభాగంలో బెటిస్ ఆధిపత్యం స్పష్టమైంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రెండో అర్ధభాగంలో ఉత్కంఠ
రెండో అర్ధభాగం ప్రారంభంలో డియెగో లోరెంటె గోల్తో బెటిస్ ఆధిక్యం 3-0కు చేరింది. అయితే ఒసాసునా వెనుదిరగలేదు. అంటె బుడిమిర్, రౌల్ గార్సియా వరుసగా గోల్స్ చేయడంతో స్కోరు 3-2కు తగ్గింది. దీంతో మ్యాచ్లో ఉత్కంఠ నెలకొంది.
