తిరుపతిలో జనసేన పార్టీలో కార్పొరేటర్ టికెట్ వ్యవహారం తీవ్ర వివాదానికి దారితీసింది. 47వ డివిజన్ నుంచి కార్పొరేటర్గా పోటీ చేసేందుకు నామినేషన్ దాఖలు చేసిన జనసేన నాయకుడు రాజేష్ ఆచారి.. తనకు పార్టీ బీఫామ్ ఇవ్వలేదని ఆరోపిస్తూ ఆత్మహత్యాయత్నానికి పాల్పడ్డారు. టికెట్ కోసం ఎమ్మెల్యే ఆరణి శ్రీనివాసులు రూ.50 లక్షలు డిమాండ్ చేశారని ఆయన ఆరోపించారు.
ఈ ఘటన లో రాజకీయంగా చర్చనీయాంశంగా మారింది. జనసేన పార్టీ కోసం పనిచేసినప్పటికీ, కార్పొరేటర్ అభ్యర్థిగా పోటీ చేసేందుకు నామినేషన్ దాఖలు చేసిన తనకు బీఫామ్ ఇవ్వకపోవడం తీవ్ర అన్యాయమని రాజేష్ ఆచారి ఆవేదన వ్యక్తం చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రూ.50 లక్షల డిమాండ్ ఆరోపణ
కార్పొరేటర్ టికెట్ కావాలంటే రూ.50 లక్షలు ఇవ్వాలని అడుగుతున్నారని ఆయన ఆరోపించారు. పార్టీ కోసం కష్టపడిన నాయకులకు టికెట్లు ఇవ్వకుండా, డబ్బులు డిమాండ్ చేయడం ఏమిటని ప్రశ్నించారు. ఈ వ్యవహారంపై ఆయన తీవ్ర అసంతృప్తి వ్యక్తం చేశారు.
