అమెరికాలోని మిన్నెసోటా రాష్ట్రం ఈడెన్ ప్రైరీలో కాల్పుల ఘటన కారణంగా మధ్యలో నిలిచిపోయిన హైస్కూల్ ఫుట్బాల్ మ్యాచ్ను తిరిగి నిర్వహించారు. ఈడెన్ ప్రైరీ హైస్కూల్, మిన్నెటోంకా హైస్కూల్ జట్ల మధ్య జరిగిన హోమ్కమింగ్ మ్యాచ్ రెండో అర్ధభాగంలో కాల్పులు చోటుచేసుకున్నాయి.
రాత్రి సుమారు 8:40 గంటలకు ఏరీ స్టేడియం వెలుపల కాల్పులు జరిగాయి. ఈ ఘటనలో ఇద్దరు వ్యక్తులు గాయపడ్డారు. వారికి ప్రాణాపాయం లేని గాయాలయ్యాయని పోలీసులు తెలిపారు. బాధితులు ఈడెన్ ప్రైరీ లేదా మిన్నెటోంకా పాఠశాలలకు చెందిన విద్యార్థులు కాదని అధికారులు స్పష్టం చేశారు. ఘటన అనంతరం భారీగా పోలీసు బలగాలను మోహరించి, ఆ ప్రాంతాన్ని భద్రతా వలయంలోకి తీసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మూడు రోజుల తర్వాత మళ్లీ మ్యాచ్ నిర్వహణ
కాల్పుల కారణంగా మ్యాచ్లో ఇంకా 12 నిమిషాల ఆట మిగిలి ఉండగానే నిలిచిపోయింది. అనంతరం భద్రతా పరిస్థితులను పరిశీలించిన అధికారులు, పాఠశాల యాజమాన్యాలు మ్యాచ్ను తిరిగి నిర్వహించాలని నిర్ణయించాయి. సోమవారం విద్యార్థులు, తల్లిదండ్రులు, అభిమానులు పోలీసుల భద్రత మధ్య మళ్లీ స్టేడియానికి చేరుకున్నారు.
