మంచిర్యాల జిల్లాలో గణేశ్ నిమజ్జనోత్సవాన్ని ప్రశాంతంగా నిర్వహించేందుకు అధికారులు భారీ ఏర్పాట్లు చేశారు. ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తుతో పాటు సీసీ కెమెరాలు, డ్రోన్ల ద్వారా నిమజ్జన ప్రాంతాలను నిరంతరం పర్యవేక్షించనున్నారు.
జిల్లావ్యాప్తంగా 2,530 గణేశ్ మండళ్లు ఏర్పాటు కాగా, గోదావరి తీరంతో పాటు ఇతర ప్రాంతాల్లో కలిపి 41 నిమజ్జన ప్రదేశాలను సిద్ధం చేశారు. ఇందారం సమీపంలోని గోదావరి వంతెన, మండలం గూడెం, లక్షెట్టిపేట, మంచిర్యాల గౌతమేశ్వరాలయం, సీతారాంపల్లి, బెల్లంపల్లి పోచమ్మ చెరువు, చెన్నూరు పెద్ద చెరువు తదితర ప్రాంతాల్లో నిమజ్జనానికి ఏర్పాట్లు చేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
భారీ పోలీసు బందోబస్తు
నిమజ్జన ప్రాంతాల్లో భద్రత కోసం ముగ్గురు ఏసీపీలు, 11 మంది రిజర్వ్ ఇన్స్పెక్టర్లు, 26 మంది ఎస్ఐలు, ఆర్ఎస్ఐలు, 67 మంది ఏఎస్సైలు, హెడ్ కానిస్టేబుళ్లు, 90 మంది కానిస్టేబుళ్లు, 17 మంది మహిళా కానిస్టేబుళ్లు, 30 మంది హోంగార్డులు, 10 మంది ప్రత్యేక బృందం సిబ్బందిని మోహరించారు.
