అమెరికాకు చెందిన ప్రముఖ పెట్టుబడి బ్యాంకింగ్ సంస్థ మోర్గాన్ స్టాన్లీలో జరిగిన ఒక పొరపాటు కారణంగా వందకు పైగా రహస్య పెట్టుబడి ఒప్పందాల వివరాలు బయటకు వచ్చాయి. ఈ ఘటన ఆసియా ఆర్థిక రంగంలో కలకలం సృష్టించింది. హాంకాంగ్లో పనిచేస్తున్న ఒక ఉద్యోగి మంగళవారం పంపిన ఈమెయిల్కు పొరపాటున అంతర్గత పత్రాన్ని జత చేయడంతో ఈ సమాచారం లీక్ అయింది.
ఈ లీకైన పత్రంలో చైనా, భారత్, దక్షిణ కొరియా, ఆస్ట్రేలియా సహా పలు ఆసియా దేశాల్లో మోర్గాన్ స్టాన్లీ పరిశీలిస్తున్న 100కు పైగా ఒప్పందాల వివరాలు ఉన్నాయని సమాచారం. ప్రతిపాదిత ఐపీఓలు, ప్రైవేట్ ఈక్విటీ లావాదేవీలు, పెన్షన్ ఫండ్ పెట్టుబడులు, ఇతర ఆర్థిక ప్రాజెక్టులకు సంబంధించిన సమాచారం ఇందులో ఉంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
కొన్ని ఒప్పందాలు ఇంకా చర్చల దశలో ఉండగా, మరికొన్ని తాత్కాలికంగా నిలిపివేసిన ప్రాజెక్టులు కూడా ఈ జాబితాలో ఉన్నట్లు వెల్లడైంది. సంబంధిత కంపెనీలు, సంస్థాగత పెట్టుబడిదారుల పేర్లు కూడా అందులో ఉన్నాయని సమాచారం. ఈ వివరాలు బయటకు రావడంతో ఆర్థిక రంగంలో ఆందోళన నెలకొంది.
