నంద్యాల: ఎస్ఐఆర్ హెల్ప్ డెస్క్‌ల ప్రారంభం, ఓటు హక్కు నమోదుకు ఫిరోజ్ ప…

ఈ సందర్భంగా ఎన్ఎండి ఫిరోజ్ మాట్లాడుతూ "ఓటు హక్కు ప్రజాస్వామ్య వ్యవస్థకు పునాది వంటిదని ప్రజల ఆకాంక్షలను ప్రతిబింబించే మంచి నాయకత్వాన్ని ఎన్నుకునే శక్తి ఓటుకు మాత్రమే ఉందని " అన్నారు. అర్హత కలిగిన ప్రతి ఒక్కరూ ఎస్ఐఆర్ ప్రక్రియలో తమ పేరును నమోదు చేసుకుని, ఓటు హక్కును సద్వినియోగం చేసుకోవాలని కోరారు.

ముఖ్యంగా పట్టణ శివార్లలో నివసించే పేదలు, నిరక్షరాస్యులకు ఓటరు నమోదు ప్రక్రియపై అవగాహన కల్పించేందుకు, వారికి తోడ్పాటును అందించేందుకు ఈ ప్రత్యేక హెల్ప్ డెస్క్‌లను ఏర్పాటు చేశామని ఆయన వివరించారు. వార్డు ప్రజలందరూ ఈ అవకాశాన్ని ఉపయోగించుకుని తమ ఓటు హక్కును నమోదు చేసుకోవాలని ఆయన విజ్ఞప్తి చేశారు.

ఈ కార్యక్రమంలో స్థానిక తెలుగుదేశం పార్టీ నాయకులు ఇక్బాల్, వేద సాయి, గోవింద నాయుడు, విజయ గౌరీ, సుధాకర్, బాబా, అబ్దుల్ వారిష్‌తో పాటు పలువురు పార్టీ కార్యకర్తలు, పెద్ద సంఖ్యలో స్థానిక ప్రజలు పాల్గొన్నారు.