తెలంగాణ నుంచి దేశ రాజధాని న్యూఢిల్లీకి ప్రయాణికులను చేరవేస్తున్న తెలంగాణ సూపర్ఫాస్ట్ ఎక్స్ప్రెస్ (12723/12724) ఐదు దశాబ్దాల ప్రయాణాన్ని విజయవంతంగా పూర్తి చేసుకుంది. 1973లో ఆంధ్రప్రదేశ్ ఎక్స్ప్రెస్గా ప్రారంభమైన ఈ రైలు, 2023 నాటికి 50 ఏళ్ల మైలురాయిని అధిగమించింది. అప్పట్లో కేవలం రెండు రోజులు మాత్రమే నడిచే ఈ రైలు, నేడు ప్రతిరోజూ 24 బోగీలతో ఆధునిక సౌకర్యాలతో ప్రయాణికులకు సేవలందిస్తోంది.
1973లో అప్పటి ఉమ్మడి ఆంధ్రప్రదేశ్ ముఖ్యమంత్రి జలగం వెంగళరావు, కేంద్ర రైల్వే మంత్రి మధు దండవతే కలిసి సికింద్రాబాద్న్యూఢిల్లీ మధ్య ఈ రైలును ప్రారంభించారు. తొలినాళ్లలో వారానికి రెండు రోజులు మాత్రమే నడిచే ఈ రైలు, 14 బోగీలతో స్టీమ్ ఇంజిన్తో ప్రయాణం ప్రారంభించింది. ఆ సమయంలో హైదరాబాద్ నుంచి ఢిల్లీకి ప్రయాణానికి దక్షిణ్ ఎక్స్ప్రెస్ మాత్రమే ప్రధాన మార్గంగా ఉండేది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సౌకర్యాలు, మార్పులు
ప్రారంభంలో కాజీపేట జంక్షన్ మాత్రమే ప్రధాన స్టాప్గా ఉండేది. ప్రయాణికుల సంఖ్య పెరగడంతో రామగుండం, మంచిర్యాల, బెల్లంపల్లి వంటి ప్రాంతాల్లోనూ నిలుపుదల సౌకర్యం కల్పించారు. 1991లో ఈ రైలును ప్రతిరోజూ నడిచేలా మార్చడంతో పాటు బోగీల సంఖ్యను పెంచారు. ప్రస్తుతం ఈ రైలు 24 బోగీలతో, విద్యుత్ ఇంజిన్తో నడుస్తోంది.
