ఆంధ్రప్రదేశ్లో వైద్య ఆరోగ్య శాఖ కాంట్రాక్ట్ ఉద్యోగులు తమ సమస్యల పరిష్కారం కోరుతూ మంగళవారం నుంచి సమ్మె ప్రారంభించారు. దీంతో రాష్ట్రంలోని ప్రభుత్వ ఆసుపత్రులు, ప్రాథమిక ఆరోగ్య కేంద్రాల్లో వైద్య సేవలపై ప్రభావం పడే పరిస్థితి నెలకొంది. ఉద్యోగులను క్రమబద్ధీకరించాలని, ఇతర సమస్యలు పరిష్కరించాలని సంఘాలు డిమాండ్ చేస్తున్నాయి.
రాష్ట్రవ్యాప్తంగా పలు జిల్లాల్లో స్టాఫ్ నర్సులు, ల్యాబ్ టెక్నీషియన్లు, ఫార్మసిస్టులు, ఇతర కాంట్రాక్ట్ సిబ్బంది విధులను బహిష్కరించారు. ఏలూరు జిల్లాలో తొలిరోజు సుమారు 123 మంది కాంట్రాక్ట్ సిబ్బంది సమ్మెలో పాల్గొన్నట్లు అధికారులు తెలిపారు. బుధవారం నుంచి మరింత మంది పూర్తిస్థాయిలో విధులకు దూరంగా ఉండనున్నట్లు ఉద్యోగ సంఘాలు ప్రకటించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తమ డిమాండ్లపై ప్రభుత్వం నుంచి స్పష్టమైన హామీ లభించకపోవడంతోనే సమ్మెకు వెళ్లినట్లు ఉద్యోగ సంఘాల ప్రతినిధులు తెలిపారు. కాంట్రాక్ట్ ఉద్యోగులను క్రమబద్ధీకరించడంతో పాటు తమకు సంబంధించిన ఇతర సమస్యలను పరిష్కరించాలని వారు కోరుతున్నారు.
