ఆంధ్రప్రదేశ్ రాజకీయాల్లో కీలక పరిణామం చోటుచేసుకుంది. హిందూపురం నియోజకవర్గానికి చెందిన వైఎస్సార్ కాంగ్రెస్ పార్టీ సీనియర్ నాయకుడు, మాజీ నియోజకవర్గ ఇన్చార్జ్ నవీన్ నిశ్చల్ జనసేన పార్టీలో చేరారు. శుక్రవారం మంగళగిరిలోని జనసేన పార్టీ కార్యాలయంలో జరిగిన కార్యక్రమంలో జనసేన అధినేత, రాష్ట్ర ఉప ముఖ్యమంత్రి పవన్ కల్యాణ్ సమక్షంలో ఆయన పార్టీ కండువా కప్పుకున్నారు.
పవన్ కల్యాణ్ స్వయంగా నవీన్ నిశ్చల్కు జనసేన కండువా కప్పి పార్టీలోకి సాదరంగా ఆహ్వానించారు. ఈ సందర్భంగా పార్టీ సిద్ధాంతాలను ప్రజల్లోకి తీసుకెళ్లాలని, అందరినీ కలుపుకొని సమష్టిగా పనిచేయాలని పవన్ కల్యాణ్ సూచించినట్లు సమాచారం.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
నవీన్ నిశ్చల్కు హిందూపురం నియోజకవర్గంలో సుదీర్ఘ రాజకీయ అనుభవం ఉంది. 2014 అసెంబ్లీ ఎన్నికల్లో వైసీపీ అభ్యర్థిగా టీడీపీ తరఫున పోటీ చేసిన నందమూరి బాలకృష్ణపై ఆయన పోటీ చేశారు. ఆ ఎన్నికల్లో ఓటమి ఎదురైనప్పటికీ, నియోజకవర్గంలో పార్టీ కార్యక్రమాలను కొనసాగిస్తూ వచ్చారు.
